హయత్ నగర్, 16, ఫిబ్రవరి (నగర నిజం) : హయత్ నగర్ మనసురాబాద్ డివిజన్ పరిధిలోని వీరన్న గుట్ట రామలింగేశ్వర స్వామి ఆలయంలో మహాశివరాత్రి పూజలు భక్తుల రద్దీతో కిక్రిసిపోయాయి. ఉదయం నుంచే ఆలయానికి భక్తులు పెద్ద సంఖ్యలో తరలివచ్చి మహాశివునికి ప్రత్యేక పూజలు నిర్వహించారు. అభిషేకాలు, రుద్రాభిషేకాలు, దీపారాధనలు భక్తిశ్రద్ధలతో కొనసాగాయి.ఉపవాస దీక్షతో వచ్చిన భక్తులు పూజల అనంతరం దీక్షను విరమించుకున్నారు. రాత్రి వరకు ఆలయ పరిసరాలు భక్తులతో నిండిపోయాయి. శివనామస్మరణతో పాటు జాగరణ కార్యక్రమాలు నిర్వహించారు.అనంతరం కమిటీ సభ్యులు మాట్లాడుతూ మహాశివరాత్రి సందర్భంగా భక్తులకు ఎలాంటి అసౌకర్యం కలగకుండా ఏర్పాట్లు చేసినట్లు తెలిపారు. తాగునీరు, ప్రసాద వితరణ, శాంతి భద్రతల ఏర్పాట్లు సమర్థంగా నిర్వహించామని పేర్కొన్నారు. భక్తుల సహకారంతో కార్యక్రమాలు విజయవంతంగా సాగినట్లు తెలిపారు.
Comments