ఇంటర్ అడ్వాన్స్ సప్లిమెంటరీ పరీక్షల క్లాసులను పరిశీలించిన అధికారులు

నల్లగొండ, మే 6 , ( నగర నిజం) :నకిరేకల్ ప్రభుత్వ జూనియర్ కళాశాలలో ఇంటర్ అడ్వాన్స్ సప్లమెంటరీ పరీక్షల కోసం జరుగుతున్న క్లాసులను బోర్డు అధికారి భీమ్ సింగ్, నల్లగొండ జిల్లా డి ఐ ఈ ఓ దస్రు నాయక్ మంగళవారం క్షేత్రస్థాయిలో కలిసి సందర్శించారు. అనంతరం కళాశాల ప్రిన్సిపల్ చామల మల్లారెడ్డి ఆధ్వర్యంలో క్లాసులను పరిశీలించి అధ్యాపకుల యాక్షన్ ప్లాన్ స్వీకరించి వారికి తగు సలహాలు సూచనలు అందించారు. ఈ సందర్భంగా కళాశాల ప్రిన్సిపల్ చామల మల్లారెడ్డి మాట్లాడుతూ.. రాబోయే విద్యా సంవత్సరానికి కళాశాలకు కావలసిన మౌలిక సదుపాయాలు, అదనపు సెక్షన్లు, అదనపు గ్రూపులకి కావలసిన అధ్యాపకులను అందించడానికి కమిషనర్ కృష్ణ ఆదిత్య ఐఏఎస్ సానుకూలంగా స్పందించారని తెలిపారు. అలాగే ఈ సంవత్సరం పదవ తరగతిలో ఉత్తీర్ణత పొందిన విద్యార్థులు ప్రభుత్వ కళాశాలలో అడ్మిషన్ తీసుకోని, ప్రభుత్వ కళాశాలల ను ప్రోత్సహిస్తు.. ఇతర విద్యార్థులకు ఆదర్శంగా నిలవాలని కోరారు. ఈ కార్యక్రమంలో నకిరేకల్ జూనియర్ కళాశాల ప్రిన్సిపల్ చామల మల్లారెడ్డి, అధ్యాపకులు శ్రీనివాస్, రామకృష్ణ, విద్యార్థులు తదితరులు పాల్గొన్నారు.