సైబర్ క్రైమ్స్ డీసీపీ శ్రీబాల ఐక్యరాజ్యసమితి మిషన్‌కు నియామకం – ఘనంగా వీడ్కోలు

సైబరాబాద్ సైబర్ క్రైమ్స్ డీసీపీ బి. శ్రీబాల ఐక్యరాజ్యసమితి దక్షిణ సూడాన్ మిషన్‌కు ఒక సంవత్సరం కాలానికి నియమితులయ్యారు. సైబర్ నేరాల నివారణ, ఆర్థిక మోసాలు, ఆన్లైన్ వేధింపులపై ఆమె చేపట్టిన కఠిన చర్యలు, విద్యార్థులు, ఉద్యోగులు, ప్రజల్లో సైబర్ భద్రతపై అవగాహన కలిగించేందుకు నిర్వహించిన డిజిటల్ అవగాహన కార్యక్రమాలు ప్రత్యేక ప్రశంసలు పొందాయి.ఆమె సేవలకు దేశస్థాయిలో గుర్తింపు లభించింది. ఈ నియామకం తెలంగాణ పోలీస్ విభాగానికి గర్వకారణంగా నిలిచింది.సైబరాబాద్ పోలీస్ కమిషనర్ అవినాష్ మొహంతీ ఐపీఎస్., ఇతర సీనియర్ డీసీపీలు ఆమెకు ఘనంగా వీడ్కోలు పలికారు. ఈ కార్యక్రమంలో క్రైమ్స్ డీసీపీ ఎల్.సీ. నాయక్, ఈడబ్ల్యూఒ డీసీపీ కె. ప్రసాద్, స్పెషల్ బ్రాంచ్ డీసీపీ సాయి శ్రీ, మహిళలు – బాలల భద్రత విభాగం డీసీపీ శ్రీజన కర్నం, మెడ్చల్ ఎస్‌ఓటీ డీసీపీ శ్రీనివాస్, మాధాపూర్ ఎస్‌ఓటీ డీసీపీ శోభన్ కుమార్, సైబర్ క్రైమ్స్ ఎడీసీపీ చంద్రకాంత్ తో పాటు పలువురు పోలీస్ ఉన్నతాధికారులు హాజరయ్యారు.