హైదరాబాద్‌లో కేర్ హాస్పిటల్స్ నిర్వహించిన ‘ఎ మామొరబుల్ సెలెబ్రేషన్’

హైదరాబాద్, మే 7: మాతృదినోత్సవాన్ని పురస్కరించుకుని కేర్ హాస్పిటల్స్, హైటెక్ సిటీ శాఖలో ‘ఎ మామొరబుల్ సెలెబ్రేషన్’ పేరిట ప్రత్యేక కార్యక్రమాన్ని నిర్వహించారు. తల్లుల గొప్పతనాన్ని స్మరించుకుంటూ నిర్వహించిన ఈ వేడుకలో మాతృమూర్తులు, పిల్లలు, కేర్ గివర్లు, సిబ్బంది పెద్ద సంఖ్యలో పాల్గొన్నారు.ఈ కార్యక్రమానికి ముఖ్య అతిథిగా ఎలికో లిమిటెడ్ వైస్-చైర్‌పర్సన్, మేనేజింగ్ డైరెక్టర్ డాక్టర్ వనిత దాట్ల హాజరై, తల్లుల శ్రమ, మమకారం, శక్తి గురించి ప్రస్తావించారు. కేర్ హాస్పిటల్స్ సీఓఓ నిలేష్ గుప్తా, సీనియర్ ఓబ్స్టెట్రిషియన్ డాక్టర్ ఎస్.వి. లక్ష్మి, సీనియర్ పల్మనాలజిస్ట్ డాక్టర్ శైలజ కంభంపాటి తల్లుల ఆరోగ్యం, కుటుంబాలలో వారి పాత్రపై కీలకంగా వివరించారు.కార్యక్రమంలో పిల్లల కోసం ఆటలు, వినోద కార్యక్రమాలు నిర్వహించారు. దీపప్రజ్వలనతో ప్రారంభమైన వేడుకలో నిలేష్ గుప్తా ప్రసంగించారు. పలువురు అతిథులు తల్లుల గొప్పతనంపై భావోద్వేగంగా మాట్లాడారు.ఈ సందర్భంగా “మదర్స్ హెల్త్” పేరిట అన్ని వయస్సుల తల్లుల కోసం ప్రత్యేక ఆరోగ్య ప్యాకేజీని కేర్ హాస్పిటల్స్ విడుదల చేసింది. ముందస్తు ఆరోగ్య పరీక్షలు, సమగ్ర వైద్య సేవలతో ఈ ప్యాకేజీ తల్లుల ఆరోగ్యాన్ని మెరుగుపరచడమే లక్ష్యంగా రూపొందించారు.తల్లి పాత్రను కొనియాడుతూ డాక్టర్ వనిత దాట్ల మాట్లాడుతూ, “తల్లి అవడం అనేది జీవితాంతం ఉండే బాధ్యత. కుటుంబం, సమాజానికి తల్లులు అందించే సేవను గుర్తించి ఇటువంటి వేడుకలు జరపడం అభినందనీయం” అన్నారు.నిలేష్ గుప్తా మాట్లాడుతూ, “వైద్య సేవలకే పరిమితం కాకుండా జీవితం, ఆరోగ్యం, సంబంధాలను గౌరవించడమే కేర్ హాస్పిటల్స్ ఉద్దేశ్యం. ఈ వేడుక తల్లుల పట్ల మన ప్రేమను వ్యక్తపరిచే మార్గం” అన్నారు.అతిథులకు సన్మానాలు నిర్వహించి, ఆటల్లో విజేతలకు బహుమతులు అందజేశారు. తీపి తినుబండారాలతో కార్యక్రమం ముగిసింది. తల్లుల పట్ల గౌరవాన్ని చాటిచెప్పిన ఈ వేడుక, కేర్ హాస్పిటల్స్ సేవా దృక్పథాన్ని స్పష్టం చేసింది.